ADIMEN LEHIAKORRA GOGOETA ESTRATEGIKORAKO INPUT GISA
Pasa den urtean sarrera bat idatzi genuen gure blogean, eta bertan gure ikuspuntua jasotzen genuen honako gaiaren inguruan: nola integratu Adimen Lehiakorra berrikuntza-prozesuan. Esan ohi dugu nahiago dugula Adimen Lehiakorra izatea berrikuntza prozesuei balioa ematen dien jarduera bat eta, horretarako, gure erakundean hedatuta dagoen AL eredua bat etorri behar da definituta dugun berrikuntza ereduarekin. Berrikuntzak eguneko lehenengo ordutik aktibatu behar den prozesua izan behar du, iristen den lehenak atea irekitzen duen unetik azkenengo ateratzen denak atea itxi arte. Hori gustuko dugu, horrela Adimen Lehiakorra bilakatzen delako urteko 365 egunetan zehar egunean 24 orduz adi mantentzen gaituen prozesu batean (gure algoritmoek ez baitute lorik egiten, ezta gabonik ospatzen ere!). Horri esker gure ingurunean dauden erakundeek beren egungo produktu eta teknologiak hobetu ditzakete edo kontzeptu berriak garatu edo berritu, aukera emango dietenak jauzi bat egiteko beren ingurune lehiakorrean.
